Ich Albrecht Jarstorffer lantrichter in der Grafschaft zu Hirsperch bekenn mit dem brieff daz für mich chom in gericht mit fürsprechen Endres Egelster und behub mit volg und mit frag und mit dem rechten und mit voller ganezzer chlag und anlait die er ausersessen hat alz recht ist und alz er wol erzewgt hat mit gerichezz brieffen und mit dem gefworn fronbotten der dar umb gesagt hat auff seinen aid daz er behabt hät mit den rechten hundert marck silbers an beschedigung hinez ainem güt gelegen zu Alpersperg und waz dazu gehort daz dez Schicken von Luckenpewnt gebesen ist und az der Choebel pawt und hinez den rechten die die Schambecken daz auff haben und daz er von der Stunberinn von Hägaw kauft dorber er gut brieff hat auff daz selb gut er vil verpawt hat wol dreissig pfunt pfenning und mer, Endres Egelstr ist auch dez obgenannten güezz und waz darzu gehort geseczzt in rechtew nüzzleichew gewer und untertenig gemacht mit dem rechten daz chain laugen dofur gehort. Er söl auch das obgeannte gut beseczzen und entgleczzen nyehhen und inn hoben mit allen nuezzen eren und rechten alsz lang unez er ausgericht ist hundert marck silbers und die freissig pfundt pfenning alz oben geschriben stet Brieff und schermer sein im geben und ertailt mit dem rechten unter dez lantgerichts insigel Alle herrn von Payrn der Bischoff von Eystett herre Fridrich von Haideck herre Hadmar von Laber herren jobs und Albrecht von Abensperck und alle vom Wolfstain und Swigker von Gundolffingen der jung und wer lantrichter ist und wer im dozu hilft und schermpt dez er bert die tün all recht und nicht unrecht. Datierung: "Geben zu der Freinstat dez Mitbocken vor Symonis et Jude appostolorum In aller der mass alsz daz lantgericht wer gebesen zu den Kelern anno domini M.CCC. nonagesimo octano".