Schuldverschreibung der Katharina Benitzer gegenüber Margret Kegen und Bestätigung des Verkaufs eines Hauses der Erstgenannten an Heinrich Springinklee.

Ich Hans von Rosenberg Ritter Schultheiß und wir die Scheppfen der Stat zu Nüremberg beriehen offenlichen mit disem brief das für uns kome in gerichte Heintz Springinklee und bracht mit unsers gerichtspuch das ver kathren mertein benitzers seligen Witibe erclagt und ersollet het auf Margret des Heintzen Kegens seligem Witiben funf-tzehn guldein die sie irem Wirte seligen und ir gelihen hab Und von der selben vollung und schulde wegen war ir von gerichts wegen gespent und geantwurtt derselben Kegnin erbe am Beinsperge gelegen alle prerecht daran und ward verteilt Sie solt das verkauffen Mitwissen und darnach lautmert sie mit fürsprechen. Sie hete dasselbe erbe verkaufft und tzekauffen geben dem obgenan. Heintzen Springinklee umb achtundzweintzig guldein und bracht auch mit hern Hansen Tetzell einem, gesworfen Scheppfe der sagt auf seinen eyde das er das egeschriben hawse die obgen. Margreten Kegnin angeboten het ob sie das lösen wolt Und siehet iehen Sie vermöcht des nicht tzelösen. Und sagt auch auf seinen eyde Er het das Junckfrawn Margreten des Heintzen Türlers seligen tochter der die eygenschaft daran were angeboten. Und sie hete iehen Sie gönde an des Kauffs wol Ir und Ihren erben bestehdlichen an ir eygenschaft tzinsen und rechten und darnach ward gefragt was nu recht were. da ward erteilt Es solt die egenan. benitzerin dem egenan. Heintzen SpringInklee den kawffe an dem obgeschriben hawse alle die recht die die obgen. Margret Kegin daran het bestetigen von gerichts wegen als recht were Und also trat sie dan und bestetigt ir denselben kauff also von gerichts wegen Und globt sie des tzu weren als ein veglichen man oder fraw das ander eins erclagten gutes weren solt nach des Stat recht im kungunden seiner elichen Wirtin und iren erben tze haben und tzu nietzen fürbaz ewigklichen mit urkunde ditz briefs der mit urteyl vin gericht geben ist versigelt mit des gerichts zu Nüremberg anhangenden Insigell des sind zewgen die ersamen manne her Erhart Schirstab und her Weiygell Grafen. Geben am Samsztag nach sant elsbeten tag Nach Crists gepurt viertzehnhunder und in dem dreitzehnden jar. Siegler: Hans von Rosenberg. Zeugen: Erhard Schürstab, Weigand Grasen. Datierung: "Geben am Samsztag nach sant elsbeten tag Nach Crists gepurt viertzehnhunder und in dem dreitzehnden jar".